Charter Document - 03220374
| Charter Number: | 03220374 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1227 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum inspecturis Ricardus divina permissione Sar ecclesie minister humilis et eiusdem loci capitulum salutem in vero salutari Noverit universitas vestra quod cum nobis movisset questionem magister Ricardo de la Cnoll super prebenda de Teinton tanquam proximus de progenie bone memorie Serlonis quondam collectoris Devon occasione quorundam instrumentorum que ipsa progenies dicebatur ab ecclesia nostra quondam optinuisse tandem dictus Ricardo et maior pars et sanior dicte progeniei veluti magister M de Buketon canonicus Exon dominus W de Mewy G de Spineto Rogerus de Cadewrth et alii quam plures clerici et laici quorum nomina esset hic difficile enumerare totum ius suum quod se dicebant habere in memorata prebenda de Teinton pure et absolute simplici corde deum habentes per oculis pro salute animarum suarum similiter et antecessorum et successorum deo et beate Marie Sar in puram et perpetuam elemosinam resignarunt ad votum nostrum nostre gratie se penitus supponentes Et in huius rei testimonium sigilla nostra presenti scripto duximus apponenda