Charter Document - 03220369
| Charter Number: | 03220369 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1226 |
| Date type: | Assigned |
| Resource Link(s): |
|
Charter:
Omnibus [Cristi fidelibus ad quos presens scriptum pervenerit Ricardus divina permissione Sar ecclesie minister humilis salutem eternam in domino] Noverit universitas vestra quod cum vacaret prebenda Veteris Sar decedente dilecto filio nostro H de Templo canonico Sar nos de communi assensu domini W decani et capituli Sar propter pacem et tranquillitatem eiusdem ecclesie in perpetuum confirmandam de dicta prebenda ita ordinasse Videlicet quod retinuimus nobis et successoribus nostris omnem iurisdictionem quam [habere] solebant decanus et canonicus predicte prebende tam in prebenda quam in civitate salva libertate clausi et iurisdictione hominum de Stratford qui olim pertinebant ad prebendam de Graham et hominum decani de Stratford quas dicto decano et suis successoribus concessimus ita quod predicta iurisdictio dicte prebende et civitatis per nos et successores nostros alii quam archidiacono vel officiali nostro vel alicui vicario in vicaria dicte prebende constituendo committatur Retinuimus etiam de communi assensu tam capituli quam nostro ad opus nostrum et successorum nostrorum totum dominicum prefate prebende et tenentes cum eorum tenementis et cum mansis in civitate ad prebendam pertinentibus et pratis et portionibus ad eandem pertinentibus decano autem et capitulo Sar omnes domos quas inhabitabat dictus canonicus cum horreis et area in qua site sunt dicte domus assignamus in perpetuum possidendas Decimas omnium garbarum totius predicte prebende karitative commune Sar ecclesie contulimus Et in huius rei testimonium presenti scripto sigillum nostrum apposuimus