Charter Document - 03220365
| Charter Number: | 03220365 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1224 - 1228 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ric[ardus] divina permissione Sar ecclesie minister humilis salutem eternam in domino Cum proventus possessionum ad communam Sar ecclesie spectancium adeo sint exiles quod ad cotidianam distribucionem residencium in eadem ecclesia non sufficiant ministrorum consideracione cultus divini provocati et laboribus eorum qui portant pondus diei et estus I compassi id ecclesie nostre honori plurimum expedire perpendentes unanimi consilio et capituli nostri assensu statuimus ut post decessum vel cessionem Martini de Pateshull qui pro tempore fuerit successor eius in prebenda de Teintun que copiose in possessionibus et reditibus habundat ad annuam sexaginta marcarum sterlingorum solucionem eidem capitulo ad opus commune teneatur in usus residencium canonicorum convertendarum Quod ut futuris temporibus ratum permaneat et inconcussum hanc provisionis concessionem sigilli nostri et sigilli capituli apposicione fecimus communiri