Charter Document - 03220363
| Charter Number: | 03220363 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Gift |
| Date: | 1220 - 1228 |
| Date type: | Assigned |
| Resource Link(s): |
|
Charter:
Ricardus divina permissione Sar ecclesie minister humilis omnibus presentes litteras inspecturis salutem in domino Noverint universi quod nos inspecta utilitate ecclesie nostre sancte Marie Sar dedimus et presenti carta nostra confirmavimus in puram et perpetuam elemosinam prescripte ecclesie Sar unum mesuagium extra claustrum canonicorum iuxta viam orientalem continens in longitudine decem percatas et quatuor pedes in latitudine vero septem percatas et quatuor pedes ita videlicet quod magister Nicholaus de Hely cementarius noster et heredes sui prescriptum mesuagium habeant et teneant in perpetuum de prescripta ecclesia Sar libere quiete pacifice et honorifice reddendo inde annuatim prescripte ecclesie in vigilia Assumptionis beate Virginis duos cereos ponderis duarum librarum cere ad ampliandum luminare misse Virginis gloriose pro omnibus serviciis exaccionibus consuetudinibus et demandis Ut autem hec nostra donatio perpetue firmitatis robur debeat obtinere presentem cartam sigilli nostri munimine fecimus roborari Hiis testibus domino W decano Roberto cancellario magistro Elia de Derh[am] Giliberto de Lacy Petro Picott magistro W de Len Roberto capellano persona de Gillingh[am] Willelmo de Havekech clerico Roberto Taillur Iohanne Anast Rad[ulfo] prestre Iohanne Taney Willelmo de Heya Hugone Carpent Willelmo de Glaston Roberto de Arraz Godefr[ido] de Essex et multis aliis