Charter Document - 03220360
| Charter Number: | 03220360 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1220 - 1228 |
| Date type: | Assigned |
| Resource Link(s): |
|
Charter:
Omnibus Cristi fidelibus presens scriptum inspecturis Ricardus divina permissione Sar ecclesie minister humilis salutem in domino Cum per compositionem quandam inter nos et abbatem de Malmesbir et eiusdem loci conventum factam ad nostram collationem et ordinationem devoluta sit ecclesia de Bremel cum capella de Hywey et omnibus aliis pertinentiis ut libentius et instantius clerici de choro Sar celebrationi misse beate Marie de cetero intersint ad quod officium faciendum nichil certum prius fuit provisum de assensu dilectorum filiorum Willelmi decani et capituli Sar contulimus et assignavimus dictam ecclesiam de Bremel cum omnibus pertinentiis cum vacaverit quod cedat in usus ministrantium ad missam predictam in perpetuum salva vicaria perpetua in eadem ecclesia a nobis et successoribus nostris in perpetuum cum vacaverit conferenda honesto viro et capellano ibidem personaliter residenti qui socium habebit capellanum Singulis vero diebus intererunt tresdecim vicarii horis beate Marie ante altare eiusdem dicendis et misse celebrande quorum unus [semper] erit succentor Sar [qui pro tempore fuerit] Et singuli de predictis cum fuerint presentes singulos denarios recipient per manum succentoris Et ut hec nostra collatio et assignatio perpetue firmitatis robur optineant presens scriptum sigilli nostri munimine roboravimus Valete