Charter Document - 03220357
| Charter Number: | 03220357 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Annexation |
| Date: | 1219 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ricardus divina permissione Sar ecclesie minister humilis salutem eternam in domino Cum dudum venerabilis patris sancte memorie Osmundi Sar episcopi et eiusdem loci capituli unanimi ac deliberato consilio fuerit constitutum quo magis episcopus qui pro tempore esset tanquam unus canonicorum ad secreta capituli admitteretur optineret prebendam una cum episcopatu et sic hactenus approbata consuetudine fuerit optentum cum eadem prebenda in incertis porcionibus consisteret utpote in oblacionibus que in Pentecoste solent ad maius altare ecclesie Sar deferri procedente tempore a nobis et eodem capitulo cauta deliberacione provisum fuit quod eidem episcopatui certa videlicet prebenda de Hortun adnecteretur nullo tempore ab eodem separanda [Ne scilicet] predicta constitucio ludibrio esset aliquando aut in cassum cederet vel ad modicum saltem tempus episcopus prebenda careret ut vel sic a secretis capituli [excluderetur] et ne processu temporis cuiusquam maligna interpretacione vel sede vacante vel episcopo vivo presidente posset predicte constitucionis vigor evacuari nos una cum capitulo iamdicto sollempnem excomunicacionem protulimus in omnes eos qui hanc nostram et capituli constitucionem futuris temporibus presumpserint violare Ut etiam ista constitucio futuris temporibus rata permaneat et inconcussa eam sigilli nostri et sigilli capituli apposicione fecimus communiri