Charter Document - 03220334
| Charter Number: | 03220334 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1228 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit R permissione divina Sar ecclesie minister humilis salutem in domino eternam Noverit universitas vestra quod cum N prior de Noiona pro se et conventu suo se ex toto ordinationi nostre subposuisset tam super rebus et decimis ad ecclesiam de Hanred spectantibus quam super iure patronatus dicte ecclesie quod ad eos pertinere dinoscebatur et idem ius de ordinatione nostra ad nos et successores nostros esset devolutum nos dictam ecclesiam dilecto in Cristo filio Philippo de Belvaco clerico contulimus ipsumque in eadem personam instituimus auctoritate pontificali statuentes ut idem Philippus dictam ecclesiam cum pertinentiis suis integre possideat reddendo annuatim dictis monachis quindecim marcas videlicet in Annuntiatione beate Virginis centum solidos et in festo sancti Michaelis centum solidos nomine perpetui beneficii salvis iure dignitate et auctoritate nostra et ecclesie nostre et successorum nostrorum Quod ut ratum sit et firmum presens scriptum sigilli nostri appositione fecimus communiri His testibus W archidiacono Berk magistris Elia de Derh[am] et Rogero de Wrth Willelmo de Leycest Thoma de Sancto Martino canonico Sar Waltero de Purle Stephano de Burton clericis et multis aliis Dat apud Novas Sar per manum Valentini clerici nostri pridie nonas Iulii pontificatus nostri anno duodecimo