Charter Document - 03220325

Omnibus Cristi fidelibus ad quos presens scriptum pervenerit Ric[ardus] dei permissione Saresbir ecclesie minister humilis salutem gratiam et dei benedictionem Considerantes quod in pluribus locis in quibus olim fervor caritatis vigebat multorum caritas refrigescat et quod in hospitibus recolligendis et in aliis operibus misericordie quod non sine dolore dicimus plus solito multorum tepescat devocio illorum qui in nostra consistunt diocesi caritatem si forte obdormierit pre ceteris specialius exortacionibus tenemur excitare et ad hospitalitatem sectandam non solum verbis sed etiam benediccionibus et largicionibus efficaciter ipsos provocare Eapropter cum ad hospitalitatem sectandam efficatior sit exhortacio re quam voce facto quam verbo ut aliorum ad bonum hospitalitatis efficatius intendatur devocio de assensu et voluntate capituli nostri dedimus intuitu caritatis deo et ecclesie sancti Aldhelmi de Malmesbir et monachis ibidem deo servientibus ad augmentum hospitalitatis omnes decimas garbarum in parrochia ecclesie de Credewelle et capellarum suarum de Ranekintun videlicet et de Estcote nomine perpetui beneficii futuris et perpetuis temporibus possidendas exceptis decimis garbarum triginta duarum virgatarum terce quarum viginti tres sunt in Cheggelawe et novem apud Tothull versus Aisseleg in eadem parrochia que quidem decime garbarum una cum quibusdam aliis inferius notatis cedent in porcionem persone rectoris ecclesie de Credewell qui pro tempore fuerit a nobis vel successoribus nostris ad presentacionem abbatis et conventus de Malmesbir ad memoratam ecclesiam admittendus et instituendus ac in eadem in ordine sacerdotali quem cura illius ecclesie requirit continuam factums residentiam Habebit autem dictus rector ecclesie memorate preter predictas decimas garbarum terras ecclesie et capelle de Ranekintun cum pratis et pascuis et omnibus aliis ad eas pertinentibus et omnes decimas preter decimas garbarum ut predictum est et preter decimas feni de proprio abbatis quod in presenti tenet dominico Similiter habebit omnes obvenciones altaris et cimiterii ecclesie de Credewell et capellarum memoratarum sicut Renricus de Cortenai et Rad[ulfus] vicarius de Ranekint[un] habere consuevemnt Is autem qui pro tempore fuerit rector sepedicte ecclesie omnia honera consueta et consuetudines episcopales et archidiaconales sustinebit Volumus etiam et concedimus ut illas tres marcas quas ecclesia de Malmesbir ab antiquo de ecclesia de Credewell percipete consuevit ad indicium huius nostre donacionis nomine predicti perpetui beneficii quamdiu Henricus de Cortenai nunc rector ecclesie de Credewell vixerit annuatim decetero percipiat Cum vero de predicto Henrico humanitus contigerit dictus abbas et conventus de Malmesbir libere et sine contradiccione alicuius possessionem predicti beneficii ingrediantur et novam possessionem veteri quam per recepcionem trium marcarum retinuerunt sine difficultate continuent Et licet monachi ibidem deo servientes pro nobis orare teneantur et ut ad id faciendum eorum magis provocetur devocio et ut anniversarium nostrum cum de nobis humanitus contigerit libentius singulis annis faciant cum pleno servitio pontificali dedimus insuper eisdem intuitu dei de assensu capituli nostri ad necessitatem monachorum de infirmaria in aliquo relevandam capellam villule sue de Northon salva competenti sustentacione vicarii perpetui in eadem capella perpetuis temporibus ministraturi ita ut qui administrator coquine monachorum pro tempore fuerit de porcione ad infirmariam pertinente infirmario fideliter et integre respondeat salva debita et antiqua pensione annua duorum solidorum quos infirmarius sacriste de Malmesbir persolvat Haas autem pias concessiones nostras episcopali autoritate confirmamus et sigilli nostri ac capituli Saresbir apposicione communimus salvis in omnibus iure et dignitate Saresbir ecclesie et nostra et successorum nostrorum Ad maiorem etiam securitatem super predictis concessionibus duo confecta sunt instrumenta sub eisdem omnino verbis et tenore concepta quorum unum remanebit penes monasterium Malmesbir aliud in thesauraria ecclesie Saresbir cui sigilla abbatis et conventus de Malmesbir sunt appensa Data Sar per manum magistri Roberti de Hertford tunc cancellarii xvi kl Februarii pontificatus nostri anno quinto Hiis testibus Willelmo de Waude tunc decano Sar magistro Willelmo de Badeston precentore Abrah[am] thesaurario magistro Ricardo archidiacono Wiltesir magistro Willelmo de Mereton tunc officiali magistro Luca magistro Ricardo de Sorestan Iohanne capellano magistro Ricardo de Brem[e]l magistro Petro Malesmains et multis aliis