Charter Document - 03220322
| Charter Number: | 03220322 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Obligation |
| Date: | 1218 - 1220 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ricardus divina permissione Saresber episcopus et eiusdem loci capitulum salutem in domino Scire volumus universos nos hac presenti carta nostra obligasse nos et successores nostros abbati et conventui de Malm[esbir] quod si provisio pro bono pacis perpetue formata et confirmata inter nos ex una parte et Walterum abbatem et conventum Malm[esbir] ex alia ab Adam et Iordano de Waverleie et de Dereford abbatibus iudicibus nostris a sede apostolica delegatis sicut in eorum autentico continetur a domino papa vel a nobis quod absit vel a successoribus nostris casu aliquo fuerit irritata manerium de Heiweie cum iure patronatus ecclesie de Broemel et cartam super donatione dicti manerii et iuris patronatus predicte ecclesie confectam et traditam et cartam provisionis iudicum monasterio Malm[esbir] sine difficultate fraude vel malo ingenio cum tota integritate sua reddemus salvis nobis et successoribus nostris fructibus medio tempore perceptis dum tamen cartam quam eis super libertatibus et dignitatibus confecimus et tradidimus nobis prius sine difficultate restituat Et ut hec nostra obligatio presenti scripto firmata futuris temporibus firma permaneat presens scriptum sigillorum nostrorum appositione corroboravimus