Charter Document - 03220306
| Charter Number: | 03220306 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1222 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ricardus divina permissione Sar ecclesie minister humilis salutem in domino Noverit universitas vestra nos concessisse et hac presenti carta nostra confirmasse Iordano marescallo unum messuagium de tenemento nostro in parochia Sancte Brigide London illud scilicet quod Hubertus lesperunier tenuit quod situm est inter domum Ricardi le Bucher et domum Willelmi marescalli quod continet octo ulnatas et dimidiam in latitudine versus stratam regiam et decem ulnatas et tres quart[erias] in longitudine versus vicum qui tendit ad domum nostram tenendum et habendum sibi et heredibus suis de nobis et successoribus nostris libere et quiete pacifice et integre ab omni servitio et exactione ad nos vel successores nostros pertinente reddendo inde annuatim ipse et heredes sui nobis et successoribus nostris vi solidos ad quatuor terminos anni [] Hiis testibus [] Dat apud London vi kl Novembris pontificatus nostri anno sexto