Charter Document - 03220303
| Charter Number: | 03220303 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1224 |
| Date type: | Internal, A.D., Calendar |
| Resource Link(s): |
|
Charter:
Universis ad quos presens scriptum pervenerit R dei permissione Sar ecclesie minister humilis salutem eternam in domino Noverit universitas vestra quod cum prior et conventus de Brommor ordinationi ac dispositioni nostre commisissent quicquid iuris habuerunt in ecclesia de Candel cum per eorum instrumenta nobis de eorum iure constaret de predicta ecclesia ita ordinavimus Videlicet quod prior et conventus de Monasterio Ederoso nomine perpetui beneficii annuatim percipient de eadem ecclesia quinque marchas sterlingorum ad quatuor anni terminos per manum rectoris illius ecclesie qui pro tempore fuerit ab episcopo Sar tamquam patrono illius ecclesie et episcopo in perpetuum promovendus qui rector totum residuum recipiet et onera ecclesie ordinaria sustinebit Et ut hec nostra ordinatio futuris temporibus firma et stabilis perseveret ad maiorem securitatem huic scripto in modum cyrographi confecto cuius una pars penes ecclesiam Sar altera penes monasterium predictum remanebit appositum est signum nostrum una cum sigillo capituli Sar et sigillo prioris et conventus de Brommore Act apud Sar anno domini MCCXXIIII xvii kal Maii Hiis testibus dominis W decano precentore R cancellario E thesaurario Sar W archidiacono Beck R Maupoudro B W et aliis