Charter Document - 03220301
| Charter Number: | 03220301 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ricardus dei permissione Salesbir ecclesie minister humilis salutem in domino Pie recordationis Herberti predecessoris nostri vestigiis inherentes dilectis filiis priori et conventui de Hurle auctoritate episcopali confirmamus omnes decimas garbarum de Waltham que ibi per annum provenient et preterea oblationes que similiter in die sancti Laurentii a quibuscumque fidelibus offerentur ad officium sacriste convertendas statuentes ut nullum preiudicium fiat dictis monachis ex eo quod Willelmus filius Iordani dictas decimas ab eisdem monachis de nostro assensu et eorundem voluntate toto tempore vite sue tenet ad firmam reddendo eisdem annuatim unum bisantium pro eis post cuius mortem vel vite mutationem vel resignationem dicte decime sine contradictione ad monachos predictos pleno iure revertantur Quod ut ratum sit et firmum huic scripto sigillum nostrum fecimus apponi salvis in omnibus iure et dignitate Salesbir ecclesie et nostra ac successorum nostrorum Act anno pontificatus nostri iiii apud Ambresbir xvi kl Novembris Hiis testibus magistro Galfr[ido] de Rothomago domino Ricardo de Mapoudr magistro Luca domino Iohanne capellano magistro Henrico de Bissepostun domino Galfrido capellano Gileberto senescall[o] et multis aliis