Charter Document - 03220297
| Charter Number: | 03220297 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1224 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Ricardus divina permissione Sar ecclesie minister humilis salutem eternam in domino Noveritis nos recepisse de manu domini nostri H illustris regis Anglie castrum de Sireb custodiendum ad castum nostrum quamdiu eidem domino regi placuerit Quod quidem castrum ei quandocumque preceperit reddemus vel si de eo humanitus contigerit castro existente in manu nostra heredibus ipsius ipsum reddemus et cuicumque preceperit idem dominus rex vel heredes sui liberabimus Nos vero occasione huius commissionis nichil iuris vendicabimus vel vendicare poterimus aliquo tempore in castro predicto In cuius rei testimonium presenti scripto sigillum nostrum apposuimus Nos vero W decanus et capitulum Sar protestamur pro nobis et ecclesia Sar quod occasione huius commissionis nichil iuris aliquo tempore vendicabit vel vendicare poterit in eodem castro ecclesia Sar In cuius rei testimonium et securitatem sigillum capituli nostri una cum sigillo venerabilis patris episcopi nostri memorati hiis duximus litteris apponendum