Charter Document - 03220294
| Charter Number: | 03220294 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1226 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit R divina permissione Sar ecclesie minister humilis salutem in domino Noverit universitas vestra nos de assensu et voluntate W decani et capituli nostri dedisse et concessisse dilecto nobis in Cristo magistro W de Harpeham manerium nostrum de Parva Wdeford cum molendino et cum omnibus pertinentiis suis libertatibus et liberis consuetudinibus ad idem manerium spectantibus tenendum et habendum libere quiete et pacifice et integre toto tempore vite sue reddendo nobis et successoribus nostris unam libram thuris annuatim ad Pascha Ita quidem quod si dictus W in edificatione domorum in eodem manerio vel in aliquo alio ad emendationem dicti manerii posuerit nos vel successores nostri omnes sumptus rationabiles quos ibi posuerit ipsi computabimus et restituemus Et ut hec nostra donatio et concessio rata et inconcussa permaneat presenti scripto sigillum nostrum apposuimus Acta vii kl Iulii apud Novas Sar anno pontificatus nostri nono Dat per manum Valentini clerici nostri His testibus W decano magistro R cancellario W archidiacono Berkesir R de Maupodre magistris Helia de Derham H Tessun Luca R de Wrda canonicis Sar Giliberto de hospitali W de Leicestre R capellano Th[oma] de Winstrop W serviente Sar H et W clericis Andrea camerario W de Stutevill I fratre eius et multis aliis