Charter Document - 03220287

Universis Cristi fidelibus ad quos presens scriptum pervenerit Ricardus dei permissione Sar ecclesie minister humilis salutem eternam in domino Cum controversia esset inter nos et capitulum nostrum ex una parte et abbatem et monachos Glaston ex altera super ecclesia de Winfrod nos de assensu et ratihabitione capituli nostri Sar subiecimus nos dispositioni et ordinationi venerabilis fratris nostri Iocelini dei gratia Bath episcopi et magistri R cancellarii Sar et magistri Elye de Derham et Ricardi de Maupudre vel si alterum illorum abesse contigerit Iohannis capellani nostri canonici Sar et Eustachii prioris et magistri H refectorarii et Michaelis camerarii Glaston volentes et concedentes quod in perpetuum stabile habeatur et firmum quod ipsi de prefata ecclesia ordinaverint Ita tamen quod si omnes in ipsa ordinatione non convenerint liberum erit tam nobis quam adversariis nostris non obstante hoc facto nostro ius nostrum quod in eadem ecclesia credimus nobis competere prosequi prout viderimus expedire Ita etiam quod ex hoc facto in nullo preiudicetur iuri communi privilegiis vel indulgentiis ecclesie Sar quoad alias ecclesias advocationis monachorum Glaston vel quoad istam si ordinatio non processerit Et in huius rei testimonium huic scripto sigillum nostrum et sigillum capituli nostri Sar sunt apposita Bene valete