Charter Document - 03220274

Omnibus sancte matris ecclesie filiis ad quos presens scriptum pervenerit Ricardus dei miseratione Sar ecclesie minister humilis salutem in domino Beneficia que locis religiosis et inde eis deo servientibus iuste collata sunt dignum est ea stabilitate firmari ut nec mutatione temporum nec quorumlibet calliditate malignantium possint in posterum infirmari Ea propter attendentes honestatem et religionem dilectorum nobis in Cristo venerabilis prioris et conventus Cristi ecclesie de Twynham habito etiam respectu hospitalitatis quam de bonis sibi a deo collatis omnibus student laudabiliter impartiri ecclesiam de Pidelton cum omnibus ad eam pertinentibus propriis usibus memoratorum prioris et conventus imperpetuum confirmamus salva in eadem perpetua vicaria subscripta cuius partes certis nominibus duximus exprimendas omnes videlicet oblationes et obventiones tam altarium quam cimiteriorum matricis ecclesie et capellarum suarum cum omnibus minutis decimis dicte ecclesie et capellarum scilicet agnorum vitulorum porcorum aucarum pullorum equinorum lane lini casei mellis et ortorum et ceterorum omnium exceptis garbis et decimis feni Habebit et vicarius decimam feni de Hyda et unam virgatam terre apud Parvam Pidelee cum uno mesuagio et dimidiam acram prati apud Frome et unam virgatam terre apud Bardolfueston cum una acra prati et unam virgatam terre apud Athelameston cum duabus acris prati et uno mesuagio quod fuit Ricardi Cranecou octo acras apud Pideleton cum duabus acris ex parte australi molendini de Walteston et duabus acris ex parte septemtrionali eiusdem molendini et unam acram prati apud Waiteston et aliam apud Fromam ad capellam de Walteston pertinentem item in villa de Walteston duas acras frumenti et unam avene tempore messis de dominico eiusdem ville et apud Cheselbumeford duas acras frumenti tempore messis de duobus dominicis eiusdem vine et apud Athelameston duas acras frumenti de dominico eiusdem vine tempore messis Habebit etiam idem vicarius domos et curtinagia ubi Hugo clericus mansit cum domo et curtinag[io] ubi Antonius capenanus mansit et curtinagium quod Robertus Gloeful tenuit Habebit preterea pasturam centum ovium et decem bovum et quinque vaccarum in pastura de dominico et decem porcos quietos a pannagio et contra Natale tres carectatas de bosco prioris et canonicorum ad focum suum et duas carectatas contra Pascha per visum custodis bosci et ipse vicarius omnia onera episcopalia consueta et usitata sustinebit Et si aliquid extraordinarium emerserit dicti canonici pro sua portione respondebunt et ipse vicarius nichilominus pro sua Ut autem hec nostra confirmatio firma et inconcussa imperpetuum permaneat presentem cartam sigillo nostro munire curavimus salvis tamen in omnibus iure auctoritate et dignitatem ecclesie nostre et nostra et successorum nostrorum Dat per manum Valentini apud Sar ix kl Martii pontificatus nostri anno secundo Hiis testibus Ad[a] decano magistro Hugone de Gaherst [cancellario] et aliis