Charter Document - 03220273

Universis Cristi fidelibus ad quos presens scriptum pervenerit Ricardus divina permissione Sar ecclesie minister humilis salutem in domino Attendentes devotionem et laudabile propositum dilecti filii Henrici Foliot militis patroni ecclesie de Chylton decorem dei diligentis et quo magis cultus divinus in ecclesia dei augmentetur ex tota voluntate studiose desiderantis ad instantiam et petitionem ipsius de predicta ecclesia de Chylton vacante ita ordinavimus Videlicet quod decetero futuris et perpetuis temporibus in eadem ecclesia tres erunt sacerdotes divina celebraturi quorum unus ab eo qui pro tempore dicte ecclesie fuerit patronus episcopo diocesano presentabitur ad personatum eiusdem ecclesie qui ab episcopo institutus duos alios ydoneos sacerdotes requisito consensu patroni episcopo presentabit quos ab episcopo admissos in hospitio suo et ad mensam suam honorifice pro possibilitate et facultatibus suis tenebit quo magis communiter viventes et sub uno domicilio commorantes honeste et irreprehensibiliter conversentur honesti vite sue ac conversationis testes existentes Pro vestimentis autem ne inter predictos scandali vel contentionis oriatur materia sacerdos predicte ecclesie persona duobus aliis sacerdotibus sex marcas annuas ministrabit pro equis portionibus inter dictos duos percipiendas ad duos anni terminos medietatem videlicet in principio Quadragesime et aliam medietatem in festo sancti Egidii Celebrabuntur autem in dicta ecclesia singulis diebus tres misse a predictis tribus sacerdotibus secundum dispositionem et ordinationem maioris eorundem persone videlicet una de die alia de beata Virgine tertia pro animabus episcoporum Sar et pro animabus Henrici Foliot et antecessorum et successorum eiusdem et pro animabus omnium fidelium defunctorum nisi forte infirmitas alicuius dictorum sacerdotum vel aliqua iusta causa impedimento fuerit quare aliqua predictarum missarum aliquando intermittitur Donationem etiam quam de una virgata terre Edwynus faber factam a predicto Henrico pro sustentatione quinque cereorum ad missam de beata Virgine una cum collatione dicte ecclesie cum pertinentiis suis pretaxato modo facta auctoritate pontificali confirmamus Ad hoc de consensu patroni statuimus quod si forte [post] Annuntiationem dominicam et infra festum sancti Michaelis sequens decedat dicte ecclesie persona secundum ecclesie Sar consuetudinem liceat persone decedent de fructibus predicte ecclesie medio tempore obvenientibus testamentum facere ita tamen quod de predictis fructibus portio duos alios sacerdotes contingens usque ad Annuntiationem dominicam sequentem ad opus eorundem sine diminutione reservetur Et ut hec nostra ordinatio et predicti H donatio et concessio in perpetuum robur optineat firmitatis presens scriptum sigilli nostri munimine duximus roborandam salvis in omnibus iure auctoritate et dignitate Sar ecclesie et nostra et successorum nostrorum Dat apud Rammesburi per manum Iohannis capellani nostri x kal