Charter Document - 03220266

Universis Cristi fidelibus R divina permissione Sar ecclesie minister humilis salutem eternam in domino Noverit universitas vestra quod constitutus in presentia nostra Rad[ulfus] Belet miles nobis cum devotione magna instanter supplicavit quod liceret ei et heredibus suis capellanum habere ad mensam suam et ad sumptus suos qui futuris et perpetuis temporibus in capella sua de Wardeford divina celebraret recognoscens coram nobis ecclesiam de From infra cuius limites sita est capella memorata in nullo esse obligatam ad aliquod servitium in predicta capella faciendum neque ipsum nec heredes suos debere vel posse petere aliquo iure a personis de From qui pro tempore fuerint quod predicte capelle per matricem ecclesiam deserviatur Idem etiam recognovit pro se et heredibus suis omnes decimas que per annum renovantur de toto dominico de Wardeford item omnes obventiones et oblationes iure parochiali ad ecclesiam de From pertinere Concessit etiam idem R intuitu dei per [] matris sue duodecim virgatas terre et omnes decimas feni sui imperpetuum ecclesie de From Nos ergo attendentes affectionem et devotionem quam habet dictus miles ut divinus cultus amplietur de unanimi assensu et voluntate eiusdem militis et N persone de From concessimus et statuimus quod memoratus miles capellanum habeat ad mensam suam et ad sumptus suos in predicta capella futuris et perpetuis temporibus divina celebraturum et nullum omnino emolumentorum de predictis vel aliis ad predictam ecclesiam pertinentibus percepturum nisi unicum denarium misse ad manum suam venientem toto residuo rectori ecclesie de From qui pro tempore fuerit remanente Dictus autem capellanus a predicto milite vel eius successoribus rectori ecclesie de From et ab eo archidiacono in capitulo Dorcestr presentabitur ibidem persone ecclesie de From fidelitatem facturus et quod in nullo iura dicte ecclesie vel audiendo confessionem parochianorum ecclesie de From vel divina eis celebrando vel in alio sub religione iurisiurandi promissurus diminuet vel sibi usurpabit solo denario misse contentus Statuimus etiam quod si dictus capellanus contra predictum fidelitatis sacramentum in aliquo venerit et super hoc iudicialiter in capitulo convictus fuerit vel diffamatus et purgace se non possit ex tunc licebit dicte ecclesie rectori auctoritate episcopali interveniente capellanum illum sine contradictione omnino amovere alio ydoneo secundum formam prescriptam ipsi substituendo Et ut hec nostra ordinatio rata et firma perpetuis temporibus perseveret eam sigilli nostri munimine duximus roborandam tribus instrumentis sub tenore eodem et verbis omnino conceptis appensi quorum unum penes ecclesiam de From aliud penes dictum militem et eiusdem heredes tertium in thesauraria ecclesie Sac remanebit custodiendum Dat apud Dorcestr anno ab incarnatione domini MCCXXI [] T