Charter Document - 03220260
| Charter Number: | 03220260 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1227 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Ricardus divina permissione Sar ecclesie minister humilis salutem eternam in domino Scire volumus universos nos de unanimi assensu et voluntate dilectorum in Cristo filiorum W decani et capituli Sar dedisse et presenti carta confirmasse Alexandro de Baldemeshale ostiario nostro et heredibus suis pro servitio suo dimidiam virgatam terre in manerio nostro de Remmesbury quam Hawys de la Grene tenuit cum omnibus ad eam pertinentibus que dimidia virgata terre fuit escaeta nostra per defectum heredum habendam et tenendam dicto Alexandro et heredibus suis de nobis et successoribus nostris quiete plene et integre ad terminum C annorum reddendo inde nobis et successoribus nostris singulis annis durante termino predicto decem et octo denarios pro omni servitio et exactione ad quatuor anni terminos scilicet ad Natale domini iiii denarios et obolum ad Pascha iiii denarios et obolum ad festum Nativitatis sancti Iohannis Baptiste iiii denarios et obolum et ad festum sancti Michaelis iiii denarios et obolum ita quod post predictum terminum C annorum dicta dimidia virgata terre cum omnibus ad eam pertinentibus ad nos et successores nostros revertatur Ut autem hec nostra donatio firma permaneat et stabilis presentem cartam sigilli nostri munimine roboravimus in testimonium Dat apud Remmesbury per manum Valentini clerici nostri vii idus Iunii pontificatus nostri anno decimo []