Charter Document - 03220258
| Charter Number: | 03220258 |
|---|---|
| Cartulary Title: | Salisbury 1217-1228 Volume 19 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1219 |
| Date type: | Assigned |
| Resource Link(s): |
|
Charter:
R miseratione divina Sar ecclesie minister humilis dilectis in Cristo filiis Dorset Berkes Sar et Wiltesir archidiaconis salutem gratiam et dei benedictionem Iuxta quod a domino papa suscepimus in mandatis vobis mandamus iniungentes quatinus cum littere iste presentes ad vos pervenerint negotia dilectorum nobis in Cristo fratrum hospitalis Sancti Iacobi de Alto Passu clero vobis subdito nuntietis mandantes ut cum ipsi vel eorum nuntii ad eos accesserint ad commissa sibi negotia exequenda illos benigne admittant et si ab eisdem fuerint requisiti fideles pro eis in ecclesiis suis predicatores existant elemosinas quas receperint eorum nuntio si affuerit alioquin decano loci tutius committendo qui eas fratribus supradictis vel eorum nuntiis ad plenum restituat Relaxationes autem quas in domini pape rescriptis perspeximus contineri plebi sibi subdite curent fideliter nuntiare videlicet quod quicumque de bonis sibi a domino collatis dictis fratribus aliquid devote contulerint septimam partem noverint de iniuncta sibi penitentia relaxatam insuper et xx dies de imposita sibi penitentia pro ponte Fiscecli relaxatos cognoscant