Charter Document - 03220254

Anno ab incarnatione domini MCCXIX in die sancti Clementis pape ego Ricardus dei gratia Sar episcopus pontificatus mei anno iii iuxta officii mei debitum necnon ad districtum preceptum domini P Norwic[ensis] electi domini pape camerarii et apostolice sedis legati de communi assensu dilectorum filiorum H abbatis et conventus Abbend ad honorem dei et confirmationem eiusdem monasterii subscriptam correctionem super numero statu et ordinatione servientium ab omnibus approbatam sigillo meo munitam omnibus fratribus eiusdem monasterii presentibus una cum abbate suo assensum inpartientibus in dicta ecclesia reliqui revolutis diligenter antiquis consuetudinibus approbatis super numero servientium et stipendiis eorum in antiquis libris repertis Quoniam exteriora hominis enuntiant de interioribus illius precepimus auctoritate domini legati qua fungimur et auctoritate pontificali ut tam abbas quam conventus servientes habeant uxoratos vel continentes vel saltem tales quorum incontinentia non sit notoria Servientibus etiam eorundem stipendia dentur sufficienter ne bona domus que tractant penuria cogente fraudulenter dissipent vel inutiliter Sub eadem districtione et iam prohibemus ne pecunia interveniente officia servientium a quoquam vendantur nec ad tempus nec in perpetuum sigillo capituli alicui persone confirmentur et si aliter fiat irritum sit et inane Et quoniam in omnium correctione discrete facienda precipuum est ut superflua resecentur et ea que necessaria sunt reserventur facta diligenti inquisitione de singulis ministeriis et ministris singularum obedientiarum et de stipendiis eorundem primo circa obedientiam elemosina de communi consilio statuimus quod elemosinarius amotis superfluis servientibus contentus sit v ministrantibus in elemos[inaria] quorum officium est colligere elemosinam in refectorio in infirmitorio et sic de aliis domibus infra parvam portam et ipsi ministrabunt eam distribuendam pauperibus secundum dispositionem elemosinarii unus autem eorum custodiet ibit per villam et diligenter inquiret et fideliter egenos languidos apporiatos et tales qui certissime indigeant Isti percipient victum et stipendia de elemos[inario] sicut percipere consueverunt et eo contenti si convicti fuerint fraudem facere de elemosina secundum dispositionem prioris et elemosinarii per consilium abbatis iuxta quantitatem delicti puniantur Et quoniam elemosina pauperibus precipue debetur statuentes ut elemosinarius integre recipiat reliquias abbatis et conventus et omnium camerar[um] districte prohibemus ne alii obedientiarii servientes suos in victu vel in stipendiis de elemosina remunerent Sub eadem districtione etiam prohibemus ne monachi parentibus vel notis aliquid conferant de elemosina sine conscientia et assensu presidentis vel elemosinarii Quod si fecisse quis convictus fuerit in crastino ieiuniet in pane et aqua sine aliqua dispensatione Post cenam vero monachorum vel post potum quando non cenat conventus elemosinarius statim recolligat cervisiam in vase mundo et sub sera claudat ita tamen quod si aliquis monachorum maluerit bibere de illa cervisia quam de potu collationis liberaliter ipsi tribuat vel etiam si indiguerit propter supervenientem amicum quod necesse fuerit ipsi prompta manu concedat Videat tamen ne aliquis consuetudinarius in hoc fiat Tria vero mandata non dentur de cetero nisi peregrinis pauperibus vel laicis debilitatis et precipue transeuntibus Et quoniam de indumentis monachorum in regula beati Benedicti precipitur quod accipientes nova reddant vetera sub eadem districtione precipimus quod monachi recipientes nova indumenta camerario integre et sine fraude vetera restituant in usus pauperum per ipsius manum cum providentia elemosinarum convertenda Extrinsecos autem servientes quos habet elemosinarius velud molendinar[ium] et agricolam pascat et stipendiat de proventibus molendini et agriculture et nichil omnino recipiant de elemosina Intrinsecos autem servientes stipendiet de denar[iis] liberi hundredi secundum portionem quam recipit Camerarius habebit quinque servientes preter illum de lavenderia Unum qui implebit officium incisoris et parmentarie iste habebit quinque ambras de granario abbatis et xii solidos per manum camerarii et unum porcum vel xii denarios et unum arietem vel iiii d contra Natale domini Habebit etiam unum qui implebit officium corversar[ii] et inveniet fenum in dormitorio et habebit quod pertinet ad officium illud et recipiet v ambras de granario abbatis et x solidos in solidatis per annum Camerarius item habebit ii quorum uterque recipiet duos parvos panes in aula et cervisiam et tres obolos qualibet ebdomada pro companagio de abbate et unum arietem vel iiii d contra Natale et unus recipiet dimidiam marcam et alius dimidiam per manum camerarii per annum Quintum habebit cui providebit post mortem R Rascun servitium ipsius complebit corvesarius et sufficiet ei quod percipere consuevit Camerarius recipiet schipingas quas predicti servientes percipere consueverunt scilicet x acras iiii apud Berton et vi apud Mericham et Gareford et xxxviii s et iiii d de libero hundredo et ex hiis inveniet servientibus suis stipendia Serviens de lavenderia serviet in propria persona et habebit v ambras de granario abbatis et ii arietes contra Natale vel viii d et iii d ad oblationem et ii corredia in aula tribus vicibus per tres ebdomadas in anno Camerarius autem recipiet iiii acras apud Sutton et dabit ei xv solidos et v denarios ad stipendia sua et ad coadiutorum suorum Iste etiam habebit in collationibus potum assuetum Habebit etiam camerarius unctum de xxv porcis nutritis in curia ad unguenda calciamenta monachorum Coquinarius habebit tres servientes in coquina ita quod unus presit ceteris et quartum in infirmaria et facient quicquid eis preceperiti coquinarius et intendant servienti qui eis preest Coquinarius recipiet schipingas eorum scilicet xiiii acras in Wachenefeld et v in Sutton et iiii ad Berthon et unam et dimidiam apud Draiton et ex hiis inveniet eis stipendia scilicet magistro servienti viii s et cuilibet trium vii s Quilibet autem istorum trium recipiet annuatim v ambras de granario abbatis et unum arietem vel iiii d contra Natale de abbate Quartus habebit singulis diebus duos parvos panes in aula cervisiam et iii ob qualibet ebdomada pro companagio suo de camera abbatis et in oblatione ii d et ob Preterea coquinarius recipiet v ambras de granario abbatis ad solidatas subservientium suorum servientium Provideat coquinarius quod nullus non necessarius coquinam ingrediatur Habebit etiam coquinarius unum ortolanum cum orto iuxta Tamisiam et recipiet coquinarius v ambras de granario abbatis ad schipingas quas percipere consuevit idem ortolanus et stipendiabit eum et habebit ortolanus contra Natale unum arietem vel iiii d Recipiet etiam coquinarius consuetas gallinas de maneriis ad opus conventus In infirmaria erunt iii servientes et ibidem refectionem percipient per manum infirmarii et nichil omnino de pane carne vel pisce caseo vel fructu cervisia vel vino vel aliquo alimento ibidem de iure deportando asportabunt vel dabunt quod ut libentius faciant recipient annuatim duo maiores servientes uterque x solidos per manus infirmarii pro stipendiis Infirmarius autem habebit duas acras de Berthon et iii solidos de camera abbatis que duo servientes consueverunt annuatim percipere et xi solidos de libero hundredo et de pitanciar[io] xi d et de suo apponet xii d Recipiet etiam xii d de camera abbatis quos dabit tertio servienti annuatim et providebit ei in vestitu de pannis suis veteribus quos camerarius consuevit percipere Gardinarius recipiet de abbate duas acras in Witune et vii s et viii d de libero hundredo ad stipendum servientes suos et ii parvos panes et cervisiam in aula et iii ob qualibet ebdomada pro conpanagio et [ad] pasturam canum suorum panes furfureos xiiii Habebit etiam quicquid iuris habere consuevit in refectorio et in aula et apponet tales servientes qui sciant et velint inserere plantare et fadere et omnia facere quecumque pertinent ad illud officium et amovebit illos si necesse fuerit Sacrista habebit iiii servientes ii ex ipsis recipient panem et cervisiam in aula uterque eorum ii parvos panes et iii ob qualibet ebdomada pro conpanagio de camera abbatis et recipient annuatim de sacrista x solidos ad stipendia Tertius recipiet v ambras de granario abbatis et i arietem vel iiii d contra Natale et recipiet sacrista ii acras apud Wachenefeld ad e ius stipendia Quarto providebit sacrista Recipiet etiam quinque coria boum contra festum sancti Martini ad tintinabula corrigenda Magister operum recipiet iiii acras et dimidiam in Dreiton de terra rusticorum ad electionem et solidabit Willelmum carpentarium et ille habebit corrodium in curia quando operatur in curia et unum porcum ad Natale Item magister operum recipiet uno anno v acras et in alio iiii in Appelford et solidabit Walterum carpentarium et ille habebit unum panem in aula pro gutterso reparandis et mundandis et unum porcum ad Natale et habebit corradium in curia quando operatur in curia Isti duo quando operantur in officinis monachorum habebunt in yeme iii ob in ebdomada et in estate iiii Refectorarius habebit unum servientem et percipiet dimidium panem singulis diebus et unum frustum casei sicut unus monachus et ii iustas cervisie de cellario et nichil amplius accipiet de refectorio vel de elemos[inaria] Recipiet autem de granario v ambras et ad Natale unum arietem vel iiii d Refectorarius autem habebit ii acras apud Sutton et stipendiabit servientem suum Celerarius habebit unum servientem qui bene custodiat hostium celarii Iste percipiet de granario abbatis v ambras et ii iustas cervisie qualibet die et unum arietem ad Natale vel iiii d Quando facit medonem habebit panem et cervisiam de celario et coadiutores sui panem in aula et cervisiam de celario et conpanagium de lardario Celerarius singulis noctibus ponet in refectorio ollam plenam cervisia propter necessitates noctumas et mane residuum recipiet Sit etiam civilis et benignus erga fratres suos in donationibus Statuimus etiam ut nullus de cetero pretio in aliquod ministerium totius abbatie recipiatur set tales ibi preficiantur qui sciant et possunt fideliter et honeste ipsum officium implere Quod si forte malefactores inventi fuerint et post primam vel secundam admonitionem errata non correxerint et monacho cui subsunt non satisfecerint sine omni contradictione ab officiis expellantur sublata omni spe redeundi ad idem officium nisi forte ita idoneus sit quod conventus ipsum readmittendum iudicaverit In locum autem ipsius alius honestus et fidelis per eundem monachum succedat Cantor habebit scriptorem qui recipiet panem monachalem de curia et cervisiam et unum ferculum Camerarius ad opus servientis sui habebit dimidium panem et coronatum cervisie et ferculum fenum et prebendam ad unum equum Sacrista tantumdem Magister operum tantumdem et habebit unam mensuram cervisie de celario monachorum Coquinarius habebit duos parvos panes et cervisiam in aula fenum et prebendam ad unum equum ubicumque fuerit Lignarius habebit duos parvos panes et cervisiam in aula et iii ob qualibet ebdomada ad conpanagium fenum et prebendam ad unum equum ubicumque fuerit Statuimus ut duo monachi constituantur unus procurator totius abbatie cum senesch[allo] alter custos curie qui pondus diei et estus pro domino abbate portenr in exterioribus ut dominus abbas vacare possit et videre quam suavis est dominus Procurator cum senesch[allo] recipiat redditus et proventus totius abbatie et per ipsos cum consilio et providentia domini abbatis expensarum fiat distributio et omnes causas exteriores et domus negotia pertractent et maneria frequenter visitent et que corrigenda invenerint cum consilio domini abbatis corrigant Curtarius per providentiam domini abbatis custodiam totius curie habeat Habeatque sub se servientem prudentem pariter et affabilem qui vice eius cum ipse non poterit interesse hospites honeste admittat eisque necessaria secundum quantitatem personarum procuret Et ut hoc commodius fiet pincema dispensator lardinarius et omnes alii ministrantes in curia eis de precepto domini abbatis studiose intendant et omnes de receptis et liberatis curtario cotidie reddant rationes Precipue autem statuimus ut curtarius honorifice recipiat parentes et familiares monachorum cum venerint Statuimus ut servientes coquine monachorum pistrini bracini infirmarie refectorii celarii sacristar[ie] si in ministeriis suis culpabiles inveniantur fiat de ipsis correctio in capitulo sicud fieret de monacho delinquente quod si renuerint expellantur ab officiis usque ad congruam satisfactionem Ad petitionem et instantiam conventus propter ipsorum tranquillitatem et evidentem domini abbatis et conventus utilitatem concessit dominus abbas ut brasium de cetero non molitum deportetur in granarium monachorum Quod si deprehensi fuerint in compositione brasii servientes monachorum necgligentes puniantur iuxta voluntatem domini abbatis Et ut hec nostra constitutio pia deliberatione ordinata futuris temporibus perpetuum robur optineat eandem sigillo nostro una cum sigill[is] abbatis et conventus corroboramus