Charter Document - 03220253

Universis Cristi fidelibus ad quos presens pagina pervenerit Ricardus divina permissione Sar ecclesie minister humilis salutem in domino eternam Noverit universitas vestra dilectos in Cristo filios abbatem et conventum de Abbend ex una parte et Willelmum de Riparia ex altera de querelis et controversiis omnibus que inter eos fuerunt super iure patronatus capelle de Bedene et iure habendi perpetuis temporibus unum monachum in monasterio Abbend in nos compromisisse et nostre ordinationi quicquid iuris partes se habere dicebant omnino reliquisse Nos igitur auctoritate pontificali ita ordinamus videlicet quod ad presentationem predicti Willelmi de Riparia et heredum suorum dicti abbas et monachi unum monachum qui idoneus fuerit et honeste conversationis caritative faciant et cum ille defunctus fuerit alium loco e ius idoneum recipiant et sic successive in perpetuum per presentationem predicti Willelmi et heredum suorum Prefatus vero Willelmus et heredes sui de cetero non poterunt vendicare aliquid iuris in advocatione vel iure patronatus capelle memorate Ratam etiam habemus concessionem quam aliquando sepedicti abbas et monachi fecerunt Waltero de Riparia et heredibus suis videlicet quod capella de Bedene habeat cimiterium et persona de Chivele rationabili consensu predictorum militis et heredum suorum in perpetuum vicarium ibi constituat Qui vicarius ad sustentationem suam habebit virgatam terre que pertinet ad capellam et omnes obventiones altaris et omnes minutas decimas ville de Bedene et exinde reddet annuatim ad festum sancti Andree persone de Chivele dimidiam marcam Legata vero habebit persona de Chivele sicut habere solebat In huius autem nostre ordinationis ac ratihabitionis testimonium huic cirographo cuius una pars penes dictum monasterium altera penes dictum militem et heredes suos permanebit sigillum nostrum apponi fecimus