Charter Document - 03210245
| Charter Number: | 03210245 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1201 |
| Date type: | Assigned |
| Resource Link(s): |
|
Charter:
Hec est concordia facta inter dominum Herbertum Sar episcopum et Stephanum Tirell de tota terra de Cerdestok et de Cumpton cum pertinentiis quas clamavit versus predictum episcopum per breve domini regis Scilicet quod predictus Stephanus Tirell quietum clamavit et abiuravit totum ius quod se dicebat habere in prefatis maneriis de Cerdestok et de Cumptona ecclesie beate Marie Sar et H eiusdem ecclesie episcopo et successoribus suis de se et heredibus suis in perpetuum tam in ecclesiis capellis servitiis militum francelanorum libere tenentium dominicis et servitiis villanorum quam in omnibus aliis rebus ad predicta maneria pertinentibus Et pro hac quieta clamantia predictus episcopus remisit predicto Stephano Tirell unam hidam terre que dicitur Milnehal cum pertinentiis per liberum servitium feodi dimidii militis ita quod de illa terra de Milnehal et de terra de Alwoldeston quam prius tenuit de episcopo debet facere predicto episcopo et successoribus suis plenum servitium feodi unius militis Ita tamen quod episcopus et homines sui habebunt communem pasturam in prefata hida de Milnehal sicut prius habuerunt salvo etiam eo quod dominus episcopus dominium fuallie in prefata hida sibi retinuit ita quod Stephanus et homines sui per visum servientis domini episcopi de predicta fuallia necessaria habebunt Hiis testibus Symone de Perci Willelmo filio Roberti Rad[ulfo] de Winesham Willelmo de Vallibus Galfrido de Perci Ricardo de Coccesden Willelmo de Estona Thoma de Fomell Hugone Malet Willelmo de Capella Roberto de Camera et multis aliis