Charter Document - 03210240
| Charter Number: | 03210240 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1199 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fid[elibus ad quos presens carta pervenerit Herbertus dei gratia Saresberiensis episcopus salutem in domino] Quoniam ea que ad dom[orum religiosarum et virorum in eis deo servientium sustentationem et provectum] misericorditer impenduntur universorum retri[butori bonorum certa novimus experientia placere diligenti sollicitudine duximus eis] prospicere ut pro beneficiis que eis divine miseratio[nis intuitu a nobis fuerint temporaliter collata premia consequi possimus] eterna Ad universitatis igitur vestre notitiam volumus per[venire quod nos audita et multis cognita et probata indiciis] canonicorum de Suwic honestate et hospitalitatis [continua largitione universis et singulis per Suwicam transitum] facientibus misericorditer inpensa concedimus et auctorita[te pontificali statuimus ut prefati canonici ad sustentationem] suam et hospitalitatis gratiam ampliandam sing[ulis annis centum solidos sterlingorum de ecclesia de Swindona] per manum Gilleberti ecclesie illius vicarii et successorum ei[us in ipsius ecclesie vicaria canonice instituendorum nomine] pensionis in usus proprios perpetuo percipiant Quod ut ratu[m sit et firmum presenti carta et sigilli nostri munimine] duximus confirmandum salvis tamen in omnibus iure auctor[itate et dignitate ecclesie nostre et nostra et successorum] nostrorum Dat apud Suwic per manum Willelmi de Winton [viii id Ianuarii pontificatus nostri anno] quinto Hiis testibus Rogero de Winton et Ricardo de Wiltesir archidiaconis et Abraham capellanis Iohanne de Winton Willelmo de Cesarburg Rogero de Hamptun [Willel]mo de [C]apella et multis aliis