Charter Document - 03210225
| Charter Number: | 03210225 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Writ |
| Date: | 1194 - 1198 |
| Date type: | Assigned |
| Resource Link(s): |
|
Charter:
Hubertus Dei gratia Cantuariensis archiepiscopus totius Anglie primas et apostolica sedis legatus venerabili fratri in Christo Herberto [Poore] eidem gratia Sarum episcopo salutem in Domino Dilectus filius noster et familiaris clericus R[anulfus] thesaurarius Sarum acceptis citatoriis nostris ut coram nobis compareret ostensurus quod jus habeat in ecclesia de Fikeldene et quo jure immittatur ejusdem ecclesia possessioni ad nos acessit [et] in presentia nostra constitutus proposuit se jam dictam ecclesiam canonice consecutum fuisse eamque nomine thesauraria sua ad quam spectare dinoscitur possidere pro statu etiam suo in eadem ecclesia et possessione ne in posterum ab aliquo turbetur et ne quid in prejudicium juris sui in eadem ecclesia vel thesauraria sua ad quam noscitur pertinere attemptetur coram nobis summi pontificis appellavit audientiam Verum quia causa ista personam vestram et ecclesie vestra Sarum dignitatem contingere videtur et in hac parte quodammodo res vestra agitur hoc idem vostre significare fraternitati duximus ut vos de cetero non lateat memoratum R[anulfum] thesaurarium super hoc appellationem suam ad dominum papam in presentia nostra interposuisse Valete