Charter Document - 03210214
| Charter Number: | 03210214 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1213 - 1214 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Herebertus miseratione divina episcopus Sar eternam in domino salutem Religiosorum pie devotioni favere et favore prosequente ipsorum complere profectum pastoralis officii nos monet auctoritas et debitum hortatur caritatis Cum igitur monasterium Montisbergi fratrum et hospitum habundet numero et in beneficiis penuriam patiatur ad huiusmodi defectum supplendum et cultum divini nominis ampliandum de plena dei confisi clementia assensu dilectorum nostrorum Virorum venerabilium Ricardi decani et capituli Sarr ecclesiam de Lodr et capellam de Bradepole cum omnibus pertinentibus ad illas concedimus illis in perpetuum et confirmamus indulgentes ut liceat eisdem dictas ecclesias cum vacaverint in usus proprios convertere ita videlicet ut per capellanos idoneos faciant eisdem deservire De eorundem preterea decani et capituli voluntate et assensu prebendam in ecclesia Sarr de prenominatis ecclesiis instituimus in perpetuum quam aliarum ecclesie Sarr prebendarum gaudere volumus libertate statuentes ut Montisbergi abbas pro tempore in ecclesia nostra prout moris est canonicorum locum optineat et stallum qui loco sui vicarium instituat succedentem in ipsa videlicet presbiterum ecclesie ministerio deputatum perpetuo cui prescriptum monasterium de bonis memorate prebende xl solidos ministret annuatim solvendos eidem statutis terminis quibus alii in ecclesia nostra vicarii sua percipere consueverunt stipendia In huius rei siquidem testimonium et robur perpetuum presens scriptum tam nostro quam capituli nostri sigillo autentico extat corroboratum Hiis testibus Roberto precentore Hugone cancellario Thoma thesaurario magistro Thoma de Chebbeham subdecano magistro Thoma de Disce Daniele de Longo Campo Ricardo capellano magistro Magno Abraham capellano Philippo de Sancto Edwardo Galfrido de Yvelcestre Gregorio Herberto canonicis Sarr magistris Roberto Ricardo Marciano W I de Sancto Pancratio Gilberto de Abbidesbur Stephano pincerna Petro de Camera Willelmo et multis aliis