Charter Document - 03210212
| Charter Number: | 03210212 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1197 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Herbertus dei gratia Sar episcopus salutem in domino Quoniam ea que ad domorum religiosarum et virorum in eis deo servientium sustentationem et profectum misericorditer impenduntur universorum retributori bonorum certa novimus experientia placere diligenti sollicitudine duximus eis prospicere ut pro beneficiis que eis divine miserationis intuitu nobis temporaliter fuerint collata premia consequi possimus eterna Ad universitatis igitur vestre notitiam volumus pervenire quod nos audita et multis cognita et probata monachorum de Monteborc indiciis honestate et hospitalitatis continua largitione universis et singulis per Montisbergum transitum facientibus misericorditer impensa concedimus et auctoritate pontificali statuimus ut ad eorum sustentationem percipiant de ecclesia de Lodres quam habent ex presentatione Ricardi de River sex marcas et de ecclesia de Pourstok quam habent de presentatione Rogerii Arundeir xx solidos et de ecclesia de Flitta quam habent de presentatione Hawis de Re veris unam marcam et de capella de Bradepol quam habent de presentatione Eudonis de Morevill xx solidos Ut autem hec nostra concessio et confirmatio perpetua firmetur stabilitate eam presenti carta et sigilli nostri munimine roboravimus salvis tamen in omnibus iure auctoritate et dignitate ecclesie nostre et nostra et successorum nostrorum Dat apud Varh[am] per manum Willelmi Rammundi xiii kl Maii pontificatus nostri anno tertio Hiis testibus Ricardo archidiacono Dorset magistro Ricardo de Sancto Eadmundo Abraham capellano et multis aliis