Charter Document - 03210208
| Charter Number: | 03210208 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1213 - 1214 |
| Date type: | Assigned |
| Resource Link(s): |
|
Charter:
H dei gratia Sar episcopus viris venerabilibus et amicis in Cristo karissimis de Dora et de Flexel abbatibus et decano Hereford salutem in domino Noverit discretio vestra nobis per inspectionem carte pie recordationis I quondam episcopi Sar antecessoris nostri innotuisse quod idem episcopus ecclesiam de Chiriton cum pertinentiis suis usibus canonicorum Lanthon appropriavit et nos postmodum piis antecessoris nostri inherentes vestigiis appropriationi illi consensum prebuimus Elapso vero aliquo temporis spatio canonicis illis tam ex confirmatione memorati antecessoris nostri quam nostro consensu et concessione memoratam ecclesiam possidentibus tandem ad eorundem canonicorum instantiam Iohannem de Chiriton capellanum ad eandem ecclesiam admisimus reddendo inde singulis annis memoratis canonicis centum solidos quos centum solidos se fideliter singulis annis eisdem canonicis soluturum inspectis sacrosanctis evangeliis in presentia nostra iuravit Et quia super hoc testimonium nostrum requirere voluistis ne vestra posset in hac parte discretio circumveniri testimonium veritati duximus perhibendum rogantes attentius quatinus deum habentes pre oculis quod vestrum est in hoc negotio non minus diligenter quam fideliter exequamini Bene et semper valete