Charter Document - 03210207
| Charter Number: | 03210207 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Admission, Institution |
| Date: | 1199 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens carta pervenerit Herbertus dei gratia Sar episcopus salutem in domino Noverit universitas vestra nos ad petitionem et presentationem dilectorum nobis in Cristo filiorum prioris et conventus Lanthon admisisse Iohannem de Chiriton clericum ad perpetuam vicariam ecclesie de Chiriton et eum in ipsa perpetuum vicarium canonice instituisse statuentes ut idem Iohannes memoratam ecclesiam et habeat et teneat cum omnibus pertinentiis et libertatibus suis reddendo inde singulis annis prenominatis priori et canonicis centum solidos nomine pensionis Preterea concedimus et auctoritate pontificali confirmamus eidem Iohanni totam medietatem omnium decimationum de dominio Henrici de Bohun in villa de Chiriton que pertinet ad ecclesiam sancti Audoeni de Glouc[estria] Quod ne futuris temporibus possit irritari presenti carta et sigilli nostri munimine duximus confirmandum salvis tamen in omnibus iure auctoritate et dignitate ecclesie nostre et nostra et successorum nostrorum Dat apud Potem per manum Willelmi Raimundi xv kl Septembris pontificatus nostri anno vi Hiis testibus magistro Thoma Griffin magistris Rogero de Winesh[am] et Thoma de Chabbeham et multis aliis