Charter Document - 03210203
| Charter Number: | 03210203 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1202 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens carta pervenerit Herebertus dei gratia Sar episcopus eternam in domino salutem Pastorali convenit sollicitudini virorum religiosorum inopiam qui vigiliis nocturnis et laboribus diurnis cordis contriti sacrificium pro benefactoribus suis devotas deo offerunt orationes beneficiis sublevare Nos igitur attendentes honestatem et religionem dilectorum nobis in Cristo prioris et monachorum de Hurleia concedimus eis et auctoritate episcopali confirmamus omnes decimas garbarum de Waltham que ibi per annum provenient et preterea oblaciones que similiter in die sancti Laurencii quibuscumque fidelibus offerentur ad officium sacristie sue convertendas Quicquid autem residuum fuerit tam de capella de Warefeld cum omnibus pertinenciis suis tam in domibus quam in terris quam in pascuis et pasturis et omnibus libertatibus et liberis consuetudinibus suis cum omnibus minutis decimis et oblacionibus de predicta ecclesia de Waltham provenientibus cedet in usus perpetui vicarii qui ad presentacionem eorundem monachorum de Hurleia per nos vel successores nostros in predicta ecclesia fuerit instituendus qui vicarius sustinebit debitas et usitatas consuetudines episcopales In ceteris vero omnibus honeribus que ecclesiam illam variis de causis contingere possunt sicut vicarii vicinarum ecclesiarum pro vicaria sua respondebit Prior vero et monachi de Hurleia sicut persone vicinarum ecclesiarum plenarie repondebunt pro porcione sua Quod ut ratum sit et firmum presenti carta et sigilli nostri apposicione duximus confirmandum salvis in omnibus iure et auctoritate et dignitate Saresb[er]ensis ecclesie et nostra et successorum nostrorum Dat per manum magistri Marciani de Wilton apud Sunning xiiii kl Iulii pontificatus nostri anno ix Hiis testibus Hugone de Gaherst Thoma de Chebbeham Ricardo de Wdele Marciano de Wilton magistris Petro canonico de Suwik Bartholomeo Abraham Ada capellanis nostris Rad[ulfo] de Winesham Hugone de Adintun senescallis nostris Waltero clerico Benedicto dapifero Willelmo de Capella Savar Hugone coco Waltero marescallo et multis aliis