Charter Document - 03210189
| Charter Number: | 03210189 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus sancte matris ecclesie filiis Hubertus dei gratia Saresb episcopus salutem Noverit universitas vestra nos inspexisse litteras pie memorie Iocelini Sar episcopi predecessoris nostri quibus se ad presentationem regis Henrici secundi Walterum abbatem et canonicos ecclesie sancte Crucis de Waltham in ecclesias de Windeleshore tunc vacantes instituisse et impersonasse et in corporalem possessionem misisse et eas ad illorum perpetuos usus concessisse testatur Unde nos pietatis intuitu et venerabilium fratrum honesta vita et laudabili conversatione invitati venerabilis predecessoris nostri concessionem et confirmationem laudamus et approbamus et prefatas ecclesias ad proprios et perpetuos usus predictorum canonicorum in perpetuum concedimus et hac presenti carta nostra confirmamus cum omnibus libertatibus et liberis consuetudinibus quas ecclesia Nove Windeleshore cum ecclesia Veteris Windeleshore ab antiquo tempore usque ad tempora nostra habuit salvo per omnia in eisdem ecclesiis episcoporum Sar ecclesie et eorum officialium iure et dignitate Testibus his Roberto et fratre Philippo et Waltero capellanis nostris magistro Rad[ulfo] Hereford archidiacono Willelmo de Sancte Marie ecclesia decano de Sancto Martino Waltero precentore de Lond Ran[ulfo] thesaurario Sar magistro Simone magistro Ricardo medico magistro Willelmo de Nechetune Ricardo de Basingeham Henrico de Casteillun Adam de Wasingeham Rogero de Basingeham