Charter Document - 03210183
| Charter Number: | 03210183 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Hubertus dei gratia Sarum episcopus in salutis auctore salutem Noverit universitas vestra nos inspexisse cartam bone memorie Rogeri episcopi predecessoris nostri qua concessit ad communam Sarum ecclesie ecclesiam de Kaninges cum omnibus pertinentiis suis Inspeximus etiam cartam bone memorie Ioscelini quondam Sarum episcopi predecessoris nostri viri venerabilis qua predictam donationem ratam habuit et sua auctoritate confirmavit omnes sub anathematis vinculo concludens qui eam infringerent vel aliquatenus impedirent Inspeximus etiam cartam ejusdem Ioscelini predecessoris nostri qua prebendam de Bretford cum omnibus pertinentiis suis ecclesie Sarum in augmentum commune canonicorum ibidem residentium concessit et dedit statuens ut siquis contra suam donationem venire presumeret maledictionem dei et omnium sanctorum eius incurreret Nos itaque virorum venerabilium et discretorum predecessorum nostrorum vestigiis inherentes cum singulorum nostre dioecesis provectibus invigilare ex cura pastorali nobis iniuncta teneamur propensius tamen eorum qui ecclesiasticis ministeriis in matrice ecclesia nostra Sarum nocte dieque sunt deputati predictas donationes et confirmationes sententias quoque excommunicationis in earum transgressores latas per omnia ratas habentes eas presenti scripto et sigilli nostri attestatione confirmamus statuentes ut predicta ecclesia de Kaninges et prebenda de Brithford integre cum omnibus pertinentiis suis in usus personarum et canonicorum in ecclesia Sarum residentium convertantur singulis percipientibus iuxta modum distributionis statute bone memorie Osmundo predecessore nostro et usque ad tempora nostra observate Quicumque igitur hominum ausu temerario contra tot et tam autenticas donationes et confirmationes venire presumpserit noverit se maledictionem dei omnipotentis et beate Marie genitricis sue incursurum Hiis testibus Iordano Sarum decano Willelmo de Sancte Marie ecclesia Ranulph Sarum thesaurario Hunfrido archidiacono Wiltesir Wimundo subdecano et Iohanne succentore Sarum Galfrido archidiacono Berkesir Radulfo archidiacono Herefordensi