Charter Document - 03210180
| Charter Number: | 03210180 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 |
| Date type: | Assigned |
| Resource Link(s): |
British Library - Egerton MS 3031 (f71v) |
Charter:
Universis sancte matris ecclesie filiis ad quos presens scriptum pervenerit H dei gratia Sar episcopus salutem in eo qui est salus omnium Cum ex iniuncto nobis officio teneamur universis et singulis in suis petitionibus que ratione nituntur adesse eorum tamen qui domino iugiter deserviunt debemus et volumus diligentius indempnitati prospicere et sollicitius negotiis intendere Hoc igitur inducti rationis intuitu venerabilibus in Cristo karissimis abbati et monachis de Rading concedimus et confirmamus scolas de Rading et iiii solidos de ecclesia de Suleham et duos solidos de ecclesia de Purleia et tres marcas de ecclesia de Englefeld annuatim percipiendas Concedimus etiam eis et confirmamus ecclesiam de Causeia et ecclesiam sancti Rumbaldi de Walingef[ord] et ecclesiam de Weregrave et ecclesiam de Tigeherste cum capella de Silamestede et ecclesiam sancte Marie de Rading et ecclesiam sancti Egidii dn eadem villa et ecclesiam de Pangeburne et ecclesiam de Bienhan cum omni iure suo et pertinentiis tenendas omni ea integritate et libertate qua eas tenuerunt temporibus bone memorie Rogerii [et] Iocelini episcoporum Sar predecessorum nostrorum et nostro Quod ut in posterum firmum et inconcussum permaneat presentis scripti testimonio et sigilli nostri appositione communimus His testibus Rann[ulfo] tesaurario Sar magistris S de Scales et Reinerio de Stanf Gervasio Roberto de Ruddebi Gauterio de Stoct Iohanne clerico Gregorio Simone canonicis Sar ecclesie Rog[erio] senescallo Willelmo de Ruddebi Guillelmo Cunseil Rog[erio] de Cataine Milone de Ruddef et Gautero