Charter Document - 03210176
| Charter Number: | 03210176 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1193 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens carta pervenerit Hubertus dei gratia Sar episcopus salutem in vero salutari Noverit universitas vestra nos intuitu caritatis et religionis dedisse et concessisse dilectis filiis abbati et canonicis regularibus de Parco super Thamam ecclesiam de Bradeleia cum capella de Homingisham et cum decima de dominio et omnibus aliis pertinentiis suis tam in terris et decimis quam ceteris obventionibus in perpetuum habendam et tenendam et ipsos eiusdem ecclesie canonice personam instituisse statuentes ut iidem canonici sicut persone ecclesiam illam habeant et possideant ita integre bene libere et pacifice sicut eam aliquis unquam melius habuit et plenius et quietius possedit et ut ipsius ecclesie fructus in usus proprios convertant et eiusdem ecclesie plenam et liberam et expeditam habeant administrationem ita quidem ut canonicus sacerdos de congregatione illorum in prefata ecclesia ministret et curam habeat animarum salvis in omnibus episcopalibus consuetudinibus Et ut hec donatio et institutio nostra perpetuam habeat firmitatem eam presentis scripti testimonio et sigilli nostri appositione communimus Hiis testibus Hunfr[ido] archidiacono et Rann[ulfo] thesaurario Sar magistro Symone de Seal Waltero et Willelmo de Sobuit capellanis magistro Thoma medico Iohanne de Sancto Laur[entio] Greg[orio] Sarisb magistro Adam Roberto de Sancto Edwardo Waltero et multis aliis