Charter Document - 03210167
| Charter Number: | 03210167 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Hubertus dei gratia Sar episcopus eternam in domino salutem Cum omnium subiectorum nostrorum paci et quieti ex commissa nobis administratione teneamur providere eorum necessitatibus propensiori affectu volumus sicut et debemus occurrere quos hospitalitatis gratie et elemosinarum largitioni ceterisque caritatis operibus intelleximus studiosius inservire Et quia dilectos filios nostros canonicos ecclesie de Cristeschurche hiis virtutum titulis cognovimus plurimum preminere quo melius et religioni vacare et opera pietatis possint uberius excercere ecclesiam de Pideletona cum pertinentiis suis concedimus et auctoritate qua fungimur confirmamus indulgentes ut idem fratres fructus et obventiones iamdicte ecclesie de Pideletona in usus proprios convertant et de eisdem salvis episcopalibus consuetudinibus et salva rationabili sustentatione capellam et ministrorum qui per eos in predicta ecclesia ministrabunt libere disponant Concedimus etiam et confirmamus dictis canonicis decimas omnimodas de dominico Reginaldi de Albamarla in Hammes et decimas de dominico Girardi de Warham extra portam occidentalem de Warham sicut carta dicti Girardi quam habent testatur et decimas de dominico Werreis de Pilesdune apud Hulles et decimas de dominico Hamonis Cabus in Tarenta Ut autem hec nostra confirmatio perpetue firmitatis robur op tineat eam presentis scripti testimonio et sigilli nostri appositione roboramus Hiis testibus Wymundo subdecano Sar Rann[ulfo] thesaurario et aliis