Charter Document - 03210159
| Charter Number: | 03210159 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Hubertus dei gratia Sar episcopus eternam in domino salutem Ex iniuncte nobis sollicitudinis officio tenemur viros religiosos protegere eorumque iura et possessiones quatenus ad nostre administrationis pertinet debitum in tranquillo statu studiosius conservare Ea propter nos religionem et hospitalitatem qua monachi Beccenses preeminent attendentes quo melius et religioni vacare et opera pietatis possint uberius exercere ecclesiam de minori Ockeburn cum universis pertinentiis suis eisdem monachis concedimus et confirmamus perpetuo possidendam indulgentes eis ut omnes fructus et proventus eiusdem ecclesie in proprios usus convertant et de eisdem prout sibi melius expedire noverint libere disponant salvis episcopalibus consuetudinibus salva etiam honesta et sufficienti sustentatione capellani et eorum qui in ipsa ecclesia per eosdem monachos ministrabunt Ut autem huius indulgentie nostre concessio firma et stabilis perseveret eam auctoritate qua fungimur confirmamus et tam sigilli appositione quam testium subscriptione communimus Hiis testibus Rann[ulfo] thesaurario Sar et aliis