Charter Document - 03210155
| Charter Number: | 03210155 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1157 |
| Date type: | Assigned |
| Resource Link(s): |
|
Charter:
Iocelinus dei gratia Saresberiensis episcopus omnibus sancte matris ecclesie filiis tam presentibus quam futuris salutem Notum fieri volumus universitati vestre quem finem controversia quam ecclesia Ebor[acensis] adversus abbatem et monachos Gloecestrie super villis Bertuna Stanedis Leche Otintuna movebat in presentia Roberti Bathon[iensis] Roberti Exon[iensis] episcoporum et nostra quibus cognitio cause eiusdem domino nostro papa Adriano delegata fuerat acceperit Partibus siquidem in presentia nostra apud Gloecestriam ex mandato nostro constitutis virorum prudentum episcoporum et abbatum qui simul nobiscum aderant consilio quieti monachorum et diuturne ecclesie Ebor[acensis] vexationi providere volentes maluimus amicabili compositione causam terminari quam in alterutrius partis gravamen sententie iudicialis ambiguo fini summitti Transactionis itaque modus hic est Ecclesia Gloecestrie de terris predictis super quibus videlicet controversia vertebatur concessit in eternum ecclesie Ebor[acensi] viginti quatuor libratas pro quibus assignavit ei totam Otintunam cum hominibus qui in ea erant et ecclesia et omnibus appendiciis eius et duas hidas terre in Cundicota cum pertinentiis earum et totam Scerdintunam cum hominibus qui in ea erant et omnibus pertinentiis suis De hiis itaque Ebor[acensis] ecclesia a lite quam adversus monasterium Gloecestrie super villis Bertuna Stanedis Leche et pertinentiis earum preter memoratam Scerdintunam intendebat omnino recessit et iuri quod habebat in perpetuum renuntiavit Hec autem facta fuerunt apud Gloecestriam sub presentia domini nostri regis Henrici secundi et eorum quos supra memoravimus episcoporum et testimonio etiam venerabilium virorum Gisleberti Herford[ensis] Nicholai Landavensis episcoporum Rogeri Theochesb Reginaldi Persorensis Gervasii Winchelcumbensis Reginaldi Rading abbatum Radulfi Hereford Ivonis Wellensis decanorum Rogeri de Ramesb Iordani Saresb archidiaconorum Petri Bathoniensis Walterii Abbendon priorum Hugonis de Clifford [Gaufridi de Clifford] canonicorum Hereford Radulfi Anglici Petri fratris episcopi Exon[iensis] canonicorum Exon[iensium] Roberti comitis Legrec Patricii comitis Saresb Henrici de Essexa constabulariii regis Humfredi de Buhun Ricardi de Luci Ricardi de Humez Henrici de Pontefracto Walterii de Hereford Willelmi de Belcamp Willelmi filii Iohannis Henrici de Oilli Helie Giffard et Helie filii eius Rogerii de Berchelei baronum regis Roberti de Watevilla Henrici de Hereford Manaser [Biset dapifer regis]