Charter Document - 03210154
| Charter Number: | 03210154 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1158 - 1163 |
| Date type: | Assigned |
| Resource Link(s): |
|
Charter:
Iosellinus dei gratia Saresbir[ensis] episcopus universis catholice ecclesie filiis presentibus et futuris salutem Affectu pietatis iniuncti nobis deo officii debito commovemur Cristi pauperum negotia diligenter attendere et eorum necessitatibus in quantum fas est utiliter providere Ideoque postulationi venerabilis domini et patris nostri Henrici Wynton[iensis] episcopi et dilecti fratris nostri Walteri prioris hospitalis domus Ierusalem in Anglia de cuius honestate et religione plenam fiduciam optinemus benivolum accomodantes assensum ecclesias de Stokton et de Aulton cum omnibus pertinentiis suis hospitali domui sancte crucis Wynton cuius cura predicto fratri nostro Waltero priori commissa esse dinoscitur episcopali auctoritate concedimus et presenti sigilli nostri munimine confirmamus statuentes ut omnia predictarum ecclesiarum beneficia deinceps in usus pauperum in memorata hospitali domo sancte crucis Wynton pro perpetuo accomodentur salva in omnibus nobis et successoribus nostris Saresbirensis ecclesie dignitate et canonica obedientia Testibus hiis Adelelmo archidiacono Dorsg Raynaldo archidiacono Saresbirensi magistro Rann[ulfo] de Caln magistro Amaldo Pipard Dunecano capellano Willelmo de Cerdestock capellano Willelmo de Cicestria et multis aliis