Charter Document - 03210140
| Charter Number: | 03210140 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Receipt |
| Date: | 1175 - 1182 |
| Date type: | Assigned |
| Resource Link(s): |
|
Charter:
Iocelinus dei gratia Saresb[eriensis] episcopus universo clero et populo per episcopatum Saresberien[sem] constitutis omnibusque Cristi fidelibus tam presentibus quam futuris salutem in domino Ea que religiosis locis pia largitione fidelium conferuntur ecclesiastica debent protectione muniri et ne perversorum malitia molestentur episcopalis auctoritatis munimine confirmari Inde est quod ad universitatis vestre notitiam volumus devenire quod nos ad presentationem et petitionem Roberti de Pontearch cuius kartam super hoc et vidimus et manibus contrectavimus suscepimus dilectos fratres nostros canonicos de Suwic ad personatum ecclesie de Suwind[on] et eos exinde personas canonice constituimus Ut autem prefati canonici ecclesiam ipsam plenarie pacifice integre et inconcusse possideant imperpetuum nos attendentes devotionem eorundem canonicorum erga nos et ecclesiam nostram et religionis sue fervorem hanc nostram institutionem et prescriptam ecclesiam prenominatis canonicis huius karte attestatione et sigilli nostri munitione duximus confirmare salvis in omnibus episcopalibus consuetudinibus et salva rationabili sustentatione vicarii eiusdem ecclesie qui per nos et successores nostros ad presentationem iamdictorum canonicorum ibidem ministrabit et nobis de episcopalibus et de cura animarum et ipsis de temporalibus respondebit Testibus Ricardo Adelelmo Az[one] archid[iaconis] Iohanne subdecano Thoma de Cic canonico magistro Iordano Rogero clerico