Charter Document - 03210135
| Charter Number: | 03210135 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Restitution |
| Date: | 1146 - 1159 |
| Date type: | Assigned |
| Resource Link(s): |
|
Charter:
Iocelinus dei gratia Sar episcopus totusque Sar ecclesie conventus dilectis filiis C abbati et conventui Scireburnensis ecclesie et omnibus sancte ecclesie filiis salutem Notum facimus universitati vestre nos rationis et pietatis intuitu reddidisse et perpetuo quietam clamasse C abbati et ecclesie de Scireburna terram de Cingestona quam aliquandiu tenueramus Concedimus etiam et presentium autoritate confirmamus C abbati et omnibus successoribus suis in ecclesia Scireburnensi substituendis in prebendam perpetuo possidendam parrochialem ecclesiam Scireb cum terris decimis et capellis eidem ecclesie adiacentibus cum omnibus dignitatibus et libertatibus quas aliquis antecessorum suorum in eadem prebenda melius et honorabilius habuit per servitium unius vicarii nostri habitus quod assidue faciet abbas in ecclesia nostra sicut reliqui canonici Preterea statuimus ut obeunte abbate prebenda illa Scireb numquam de cetero in communiam canonicorum devocetur sicut relique prebende in obitu canonici sed cum abbas obierit ecclesia Scireb infra annum post obitum abbatis decem marcas argenti canonicis Sar persolvet ad communam eorum Et ut hoc quod pia devotione statuimus ratum et inconvulsum semper perseveret predicte terre de Cingestona integrum absque aliqua reclamatione restitutionem et prebende de Scireb concessionem presentis carte nostre attestatione et sigilli nostri munimine roboramus Valete