Charter Document - 03210134
| Charter Number: | 03210134 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1165 |
| Date type: | Assigned |
| Resource Link(s): |
|
Charter:
Ioscelinus dei gratia Sarr episcopus dilectis in Cristo filiis Henrico abbati et toti conventui sancte Marie Scir[eburn] monasterii salutem et gratiam Posteris et presentibus notum facimus quod consilio et assensu ecclesie nostre prebendam quam dulcis memorie Osm[undus] Sarr episcopus de ecclesia parochiali de Scir[eburn] et decimis et capellis et ceteris adiacentiis suis fecit et ecclesie nostre contulit monasterio Scir[eburn] in prebendam per vicarium presbiterum nostri habitus et nostre professionis deserviendam et inperpetuum nomine Sarr ecclesie quiete possidendam concessimus Ita etiam ut qui abbas Scir[eburn] fuerit locum in choro et capitulo et ceteras libertates et integritates quas alii in eadem prebenda optinuerunt abbates et ipse optineat Concedit etiam Sarr ecclesia Scir[eburn] monasterio ut obeunte abbate pretaxata prebenda in communam canonicorum Sarr ut alie solent prebende non redeat quia non abbatis persone sed monasterio collata est Sed ne canonici in hac sua murmurent subtractione eo scilicet quod hec prebenda ut relique nunquam sit reditura in eorum communam et ne canonici sui tanquam perpetuam possint causari absentiam preterea ut monachi prebendam illam Sarr ecclesie monasterio suo vicinam et victui suo quam maxime necessariam sine omni Sarr ecclesie remurmuratione ut superius definitum est et deservire possint et optinere prudentibus et religiosis viris una nobiscum ad utriusque ecclesie pacem faciendam et conservandam provisum est quod vice versa et caritate mutua monasterium Scir[eburn] Sarr ecclesie cum omni libertate et integritate in prebendam dedit dimidiam hidam terre que iacet apud Wimburn quam habuit filius Euremari Baiocarum quam Willelmus rex ecclesie de Horton dedit pro excambio terre ab eadem ecclesia capte quiete et sine omni reclamatione sicut unquam melius et liberius eam tenuit in bosco et plano in pratis et pascuis in perpetuum possidendam et sic quod prebenda illa post mortem canonici per annum iuxta consuetudinem Sarr ecclesie ad communam canonicorum redeat et deinceps canonicus cui data fuerit sicut alii eam teneat et deserviat Et ut hec nostra in evum duret donatio et inconcussa permaneat et posteris fidem faciat sigilli nostri et ecclesie nostre attestatione eam communimus