Charter Document - 03210128

Ioscelinus dei gratia ecclesie Sarum episcopus et totus eiusdem ecclesie conventus universis sancte matris ecclesie filiis in domino salutem Sciant omnes ad quos carta ista pervenerit controversiam diu inter ecclesiam Sarum et ecclesiam Bathon[iensem] habitam super capella de Alvestan tandem amicabili compositione decisam et terminatam esse hoc modo Videlicet quod ecclesia Sarum prefatam capellam de Alvestan dimittit ecclesie Bathon[iensi] in perpetuum liberam et quietam possidendam tali conditione quod singulis annis in Pascha ecclesia Bath[oniensis] reddet ecclesie Sarum dimidiam marcam argenti per manum canonici qui tenebit ecclesiam de Bedministr scilicet prebendam ecclesie Sarum Et propter familiaritatem et fraterne dilectionis caritatem inter predictas ecclesias diu habitam et in posterum deo volente duraturam venerabilis frater et coepiscopus noster Bath[oniensis] Robertus assensu et coniventia cleri sui concedit hanc libertatem prebende de Bedministr quod vicarii eiusdem canonici ibidem servientes ter in anno vel quater necessitate ingruente ad capitulum veniant et non sepius et hoc sum monitione archidiaconi ad capitulum autem decani nunquam eant Si autem contingat quod quandoque predicti vicarii in causam vocati fuerint de obiectis nunquam respondeant nisi in presentia predicte canonici de Bedministr die et loco congruo constituto Facta est autem hec compositio in presentia venerabilis fratris et coepiscopi nostri Roberti Bath[oniensis] et prioris Bath[oniensis] Petri et decani ecclesie de Wellis Ivonis et Eustachii archidiaconi Bath[oniensis] et magistri Aluredi canonici Wellensis De ecclesia vero Sarum interfuerunt huic compositioni presentes Henricus eiusdem ecclesie cantor et Rogerus archidiaconus et Ricardus de Calna et magister Iosephus canonici Sarum ecclesie et plures alii de utraque ecclesia