Charter Document - 03210107
| Charter Number: | 03210107 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Exhortation |
| Date: | 1158 - 1165 |
| Date type: | Assigned |
| Resource Link(s): |
British Library - Egerton MS 3031 (f60r) |
Charter:
Iocelinus dei gratia Sar episcopus omnibus Cristi fidelibus per Sar episcopatum constitutis salutem et dei benedictionem Quoniam pastoralis cure et officii est gregem sibi commissum pietatis opera docere et ad ea caritatis officia que salutem conferunt invitare universitatem vestram rogamus attentius et exhortamur in domino quatinus pro salute vestra venerabilem ac religiosum locum de Burghild[eburia] iuxta crucem sancti Iacobi apostoli in honore dei omnipotentis et beate Marie Magdalene constructum cui quia multum dilexit veniam peccatorum suorum Cristus donavit in vigilia et festo eiusdem pia devotione visitetis Nos autem de dei misericordia confisi omnibus qui eundem locum religiosum predictis diebus benigne visitaverint et de propriis facultatibus aliquam caritatis intuitu portionem erogaverint de iniuncta sibi penitentia quadraginta dies relaxamus