Charter Document - 03210096
| Charter Number: | 03210096 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1147 - 1169 |
| Date type: | Assigned |
| Resource Link(s): |
|
Charter:
Ioc Sar et Hil[arius] Cicestr[ensis] dei gratia episcopi omnibus sancte matris ecclesie fidelibus ad quos presens carta pervenerit salutem Notum sit universitati vestre causam inter R priorem et canonicos regulares sancte Frisewide de Oxenef et Radulfum presbiterum de Hungerf[ord] fe super decimis de Ediuetuna nobis domino papa delegatam in presentia nostra amicabili compositione in hunc modum fuisse terminatam Prefatus prior concessit predicto R personaliter duas garbas decimarum de villanagio de Ediueton tenendas cum tercia garba earundem decimarum que spectat proprie ad ecclesiam de Hungerford ut post eius obitum ille due garbe redeant ad ecclesiam sancte Frideswide Et ita percipiet duas garbas de villanagio cum sua tercia sive villanagium versum fuerit in dominium sive dominium in villanagium tempore quo prenominatus Radulfus fidelitatem fecit ecclesie sancte Frideswide in festo ipsius annuatim visitare ad idem festum unum bizantium ei solvendo In capella quidem quam prior iuxta Ediueton construxit nullatenus divina celebrabuntur nisi priore presente vel aliquo eius canonico non admissis parrochianis ecclesie de Hungerf[ord] ad aliquod ipsius dispendium Servientes vero prioris debitas consuetudines facient ecclesie de Hungerf[ord] sicut ceteri parrochiani Sepefatus autem Radulfus renuntiavit omni iuri quod allegaverat se habere in decimis de dominio de Ediueton quas petebat Sicut vero in garbis decimam percipiet in villanagio ita et in omnibus aliis rebus unde decime dari solent quamdiu vixerit percipere debet sicut unquam melius percepit tempore predicti prioris salva ubique tercia ecclesie de Hungerf[ord]