Charter Document - 03210064
| Charter Number: | 03210064 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1175 - 1184 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus sancte matris ecclesie filiis ad quos presens carta pervenerit Iocelinus dei gratia episcopus Sar eternam in domino salutem Ad universitatis vestre notitiam volumus pervenire nos ratam et firmam habere donationem quam Haraldus de Ewias et Robertus filius et heres eiusdem in diocesi nostra fecerunt deo et ecclesie sancti Petri Glouc et monachis eiusdem loci deo apud Ewias perpetuo servituris prout carte eorum quas vidimus audivimus et intelleximus plenius contestantur videlicet duas partes de decima de dominio de Lidiard et totam decimam de domino de Clyva Vancy et totam decimam de Athelyntone de dominio provenientem et etiam duas partes de decima de dominio de Teffunda Et eandem donationem de omnibus et singulis decimis supradictis eisdem religiosis perpetuis temporibus possidendam ad fratrum suorum sustentationem apud Ewias successive commorantium auctoritate episcopali perpetualiter et ex certa conscientia confirmamus et easdem decimas prenominatis fratribus ad eorum victum et vestitum perpetue ut premittitur sustinendum tenore presentis scripti divine caritatis intuitu assignamus In quorum omnium robur et testimonium presens scriptum sigilli nostri appositione roboravimus Hiis testibus domino Clemente abbate de Schiresboume Baldewino cancellario Sar Azone archidiacono Sar et aliis