Charter Document - 03210052
| Charter Number: | 03210052 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1142 - 1184 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens carta pervenerit Iocelinus dei gratia Sar episcopus salutem Noveritis quod cum controversia inter ecclesiam de Aveb[ir] et Reginaldum monachum de Baskervill super quibusdam decimis verteretur coram nobis tandem sub hoc fine quievit Predictus R monachus in manus nostras affidavit coram pluribus boni testimonii viris quod ipse iamdicte ecclesie plenarias decimas de cetero persolveret et prius ablatas quas ecclesia petebat restitueret et quod in oratorium suum ad divina officia nullum sepefate ecclesie parrochianorum aliquo modo recipi permitteret et pasturam ad eandem ecclesiam ab antiquo pertinentem eidem in pace dimitteret Quod et ipse postea presentibus vicearchidiacono de Bercsir et Azone de Poterna et multis aliis in eadem ecclesia in veritate promisit et super altare optulit Valete