Charter Document - 03210042
| Charter Number: | 03210042 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1142 - 1184 |
| Date type: | Assigned |
| Resource Link(s): |
|
Charter:
Iocelinus dei gratia Sar episcopus omnibus fidelibus per Sar episcopatum constitutis salutem Noverit universitas vestra nobis residentibus in capitulo sancte Marie Abbend ecclesie quod Walterus de Rivera propria voluntate ductus dei tentus timore et religionis pietate in nostra et multorum presentia dedit et concessit Abbend ecclesie in perpetuam elemosinam tertiam partem ville sue de Budene cum omnibus pertinentibus eidem parti tertie in bosco plano pratis et pascuis Sciatis etiam quod nos rogavit quatinus sigilli nostri munimine id confirmaremus Ex ipsius itaque rogatu et pietatis intuitu ne super posessione illius tertie partis quisquam vestrum vacillet aut dubitet sciatis modo supradicto donationem processisse quam ratam habemus et presentis carte attestatione confirmamus Valete