Charter Document - 03210037

Rogerius episcopus Saresb sub domino nostro rege Henrico regni Anglie procurator archiepiscopis episcopis abbatibus comitibus vicecomitibus et omnibus fidelibus et ministris regis salutem Sciatis quia rex et dominus noster H hanc libertatem abbatie Redingensi dedit et decreto firmavit ut nulla persona parva vel magna per debitum seu per consuetudinem aut per violentiam aliquid ab hominibus et terris et possessione Redingensis monasterii exigat non equitationem sive expeditionem non pontium vel castrorum edificationem non vehicula non summagia non vectigalia non navigia non opera non tributa non xenia sed habeant abbas et monachi Redingenses in tota possessione sua in Redingia scilicet et Cealseia et Leoministria et Thachehan et in his que habent procedentium maneriorum appendiciis omnem iusticiam et quicquid rex in eisdem habuit de geldis et redditibus et servitiis et consuetudinibus de assaltu de sanguinis effusione et pacis infractione quantum ad regiam pertinet potestatem de furtis et murdris et hamsochna et de omnibus forisfactis Sintque abbatis et monachorum eius sicut rex dedit et teneri mandavit de profata possessione Reding tam de hominibus suis quam et de alienis in ea forisfacientibus vel ibi cum forisfacto interceptis hundreda et placita omnia cum socca et sacca et toll et team et infangentheof et hutfangentheof in omnibus locis cum omnibus causis quo sunt et esse possunt Quod si abbas et monachi eorumve ministri de prodictis forisfactis iusticiam facere neglexerint rex fieri compellat ita ut in nullo prefatam libertatem seu redditus Redingensis ecclesie minuat Veniantque ad hundreda de Redingia et de Leoministria homines circumiacentium maneriorum secundum consuetudinem precedentium temporum Et sint monachi Reding et familia eorum et res ipsorum absoluti per totam Angliam ab omni theloneo et alia qualibet consuetudine in terris et aquis et silvis in viis et semitis in transitibus pontium et portuum maris Deditque rex monetam et unum monetarium abbati et monachis apud Redingiam Volo itaque et precipio ut libere et quiete et honorifice sicut rex precipit per cartam suam abbas et monachi Redingenses omnia sua teneant Apud Westm[onasterium] per breve regis