Charter Document - 03210018

In nomine sancte et individua Trinitatis Ego Rogerus Dei gratia Sarisbiriensis episcopus pro salute et incolumitate domini mei Henrici regis et Matildis regine et filiorum suorum cum consensu eorundem et pro salute anime mee et parentum meorum et antecessorum meorum do sancte Shyrbornensi ecclesie et Turstino priori et successoribus suis sibi regulariter succedentibus unam carucatam terre apud Cadweli sicut perambulavi eam scilicet a novo fossato novi molendini per rivulum qui illuc hieme defluit usque ad domum quondam Balbe et inde ad rivulum currentem per medium alnetum usque ad viam et a via sicut rivulus idem currit in mare Et totum montem qui dicitur mons Salomonis usque ad mare porrectum ex alia parte sicut quedam pulla vadit usque ad predictam viam solutam et quietam et liberam ab omni famulorum impedimento et seculari exactione et servitio et omnes decimas in annona in vitulis in porcis in agnis in caseis et in piscibus et in pannagio porcorum Et concedo ut suos proprios porcos quietos a pannagio habeant et boscum in bosco meo et pasturam animalium suorum cum meis dominicis habeant videntibus et audientibus pluribus clericis et laicis quorum nomina hic subnotantur Radulfus capellanus Rog[erius] subd[iaconus] Unfridus frater episcopi Osmundus dapifer Alricus de Halsuei Ricardus Latemerus Hildebrandus Eamaldus pincerna Willelmus de Lund Rog[erius] de Reinni Ricardus Foliot Robertus vetus dapifer et Rodbertus filius eius Willelmus conestab[ularius] Willelmus Esturmit Rad[ulfus] filius Warini Rodbertus de Sagio Rodbertus de Maisi et Walterius frater eius Picotus Gaufridus Rufus Rodbertus Niger Philippus de Bealfou Osmundus filius Everardi Rog[erius] Fol[iot] Henricus filius Walteri de Poterna Albri de Felgeria Eadmundus qui tunc castellum de Caduelli custodiebat Alwinus presbiter vill Hec donatio facta est xiiii kalendas Augusti in domo castelli de Cadwelli testimonio istorum et aliorum multorum quorum nomina ignoro