Charter Document - 03210017
| Charter Number: | 03210017 |
|---|---|
| Cartulary Title: | Salisbury 1078-1217 Volume 18 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1139 |
| Date type: | Assigned |
| Resource Link(s): |
|
Charter:
Henrico Dei gratia apostolice sedis legato et Theobaldo Cantuar archiepiscopo et omnibus episcopis totique clero et omnibus baronibus totius Anglie Francis et Anglis Rogerus episcopus Sarum salutem Notum facio dignitati vestre quoniam in libera potestate reddidi ecclesie sancte Marie Sarum omnes prebendas quas in manu mea tenueram Et illas pro certo provida consideratione et communi consilio honestissimarum personarum et totius capituli Sarum clericis eidem ecclesie honeste servientibus Et prebendam de Caninges dedi eternaliter ecclesie et canonicis sancte Marie ad communam ecclesie manu tenendam et sustentandam et ita quod quedam honesta persona serviens ecclesie pro eadem prebenda habeat in singulis annis quadraginta solidos Quare precor vos omnes communiter quod pro Dei amore et vestro honore et pro salute animarum vestrarum et mee illud concedatis et stabile et firmum esse percipiatis Et preterea dedi et concessi ecclesie de Lavinton totam decimam de dominio de Littleton et decimam omnium hominum ejusdem ville Testibus Capitulo Sarum et Osmundo dapifero filio Willielmi et Waltero de Maisy apud Sarum